Travel Paradise Online

ശിരുവാണി കാടുകള്‍ എന്നെ കൊതിപ്പിക്കാന്‍ തുടങ്ങിയിട്ട് നാളേറെയായി... കേരള വനംവകുപ്പിന്റെ ഇൻസ്പെക്ഷൻ ബംഗ്ലാവുകളിൽ ഏറ്റവും മനോഹരമായ പ്രദേശത്തു സ്ഥിതി ചെയ്യുന്ന ഒന്നാണ് ശിരുവാണി അണക്കെട്ടിന്റെ തീരത്തുള്ള പട്ടിയാർ ബംഗ്ലാവ്. മണ്ണാർക്കാട് ഡി.എഫ്.ഒ.യുടെ പ്രത്യേക അനുവാദം കിട്ടിയെങ്കിലേ ഇവിടെ താമസിക്കാൻ സാധിക്കുകയുള്ളു. അവധി ദിവസങ്ങളിൽ വിശിഷ്ട വ്യക്തികളും അവരുടെ ശുപാർശക്കാരും ഉൾപ്പെടെ വരുന്നത് കൊണ്ട് പട്ടിയാർ എന്ന സപ്നം നീണ്ടുപോയി. ഒടുവിൽ എത്തവണത്തെയും പോലെ വനംവകുപ്പിലുള്ള സുഹൃത്തിന്റെ സഹായത്താൽ ഇക്കഴിഞ്ഞ ഓഗസ്റ്റ് 13നു അവിടെ താമസം തരപ്പെടുത്തി. കൂട്ടത്തിൽ 2 അവധി ദിവസവും കൂടി ഉള്ളതുകൊണ്ട് 3 ദിവസം പാലക്കാട് കണ്ടുകളയാം എന്ന് കരുതി. കാടിനുള്ളിൽ ഡാമിന്റെ തീരത്താണ് പട്ടിയാർ ബംഗ്ലാവ്, ഭക്ഷണം കഴിക്കണമെങ്കിൽ ഉപ്പ് മുതൽ കർപ്പൂരം വരെ നമ്മൾ വാങ്ങിക്കൊണ്ടു പോകണം. കാടിന്റെ അതിർത്തിയിൽ പാലക്കയം എന്ന സ്ഥലത്തു നിന്ന് അത്യാവശ്യം വേണ്ട സാധനങ്ങൾ ഒക്കെ കിട്ടുമെന്നു പ്രവീൺ പറഞ്ഞിരുന്നു. എന്നാലും ഒരു ഉറപ്പിന് മൂന്നു നേരത്തെ ഭക്ഷണത്തിനുള്ള സാധനങ്ങളുടെ ലിസ്റ്റ് തയ്യാറാക്കി അത് വാങ്ങി വണ്ടിയിൽ കേറ്റിയി...

ഇടുക്കിയിൽ എന്തുണ്ട് കാണാൻ എന്ന് ചോദിച്ചാൽ ഞങ്ങൾ പറയും നിങ്ങളാരും കേൾക്കാത്ത നിങ്ങളാരും കാണാത്ത ഒരു നൂറ് സ്ഥലങ്ങൾ എവിടെ ഒക്കെയോ ഒളിപ്പിച്ചു വച്ച ഒരു കുഞ്ഞു സുന്ദരിയാണ് ഇടുക്കിയെന്ന്.. ഇത് "ആനച്ചാടികുത്ത്" രണ്ട് ആനകൾ തമ്മിലുള്ള വഴക്കിനിടയിൽ ഒരാന കാൽവഴുതി ഈ കുത്തിൽ വീണ് മരിച്ചതിനാൽ ഇതിന് ആനച്ചാടികുത്ത് എന്ന് പേര് വന്നു എന്നു പഴമക്കാർ പറയും... എന്തു തന്നെ ആയാലും പ്രകൃതിയുടെ ഒട്ടും കലർപ്പില്ലാത്ത ചായക്കൂട്ടിൽ തനത് സൗന്ദര്യം നിറഞ്ഞു നിക്കുന്ന ഒരപൂർവ്വ കാഴ്ചയാണ് കേരളത്തിൽ പെയ്തൊഴിയ ാത്ത മഴക്കാലത്ത് ഈ സ്ഥലം നമുക്കു സമ്മാനിക്കുന്നത്... തൊടുപുഴയിൽ നിന്ന് കരിമണ്ണൂർ വഴി തൊമ്മൻകുത്ത് ടൗണിൽ എത്തി നൂറു മീറ്റർ വണ്ണപ്പുറം റൂട്ടിൽ മുന്നോട്ടു പോയി വലതു തിരിഞ്ഞ് ഏകദേശം ഒരു കിലോമീറ്റർ പോയാൽ ആനച്ചാടികുത്തിൽ എത്താം...

ഈ ഓണം ആഘോഷിക്കാൻ ഉള്പ്പുണി നിങ്ങളെ സ്വാഗതം ചെയുന്നു ചെയ്യുന്നു .. എങ്ങും പുക മറ തീർക്കുന്ന മഞ്ഞിൽ മഴ നനയാം, മഞ്ഞിൻ പുതപ്പു ചൂടാം, കാണാ കാനന ഭംഗി ആസ്വദിക്കാം ,പുൽമേടുകൾ നിറഞ്ഞ മലഞ്ചരുവുകളിൽ തണുത്ത കാറ്റേറ്റ് ജീപ്പിൽ ഓഫ് റോഡ് സഫാരി നടത്താം.. നാവിൽ കൊതിയൂറുന്ന നാടൻ ഭക്ഷണം കഴിക്കാം .. ഒപ്പം മനസൊന്നു തണുപ്പിക്കാൻ കോട്ടേജിനു മുന്നിലൂടെ കുണിങ്ങി കുഞ്ഞി ഒഴുകുന്ന കാട്ടരുവിയിലെ തണുത്ത വെള്ളത്തിൽ ഒരു കുളിയും ..

അടുപ്പിച്ചു രണ്ടു ദിവസം കിട്ടുമ്പോഴാണ് മനസ്സിൽ യാത്രാമോഹം പൂവിടുന്നത്. ഇത്തവണ മുതുമല , ബന്ദീപ്പൂർ സഫാരി ആയിരുന്നു പ്ലാൻ. പക്ഷെ കേരളത്തിൽ പൊടുന്നനെ കടന്നുവന്ന ഹർത്താൽ ആഘോഷം കാരണം ഗൂഡല്ലൂരിൽ ഒരു ദിവസം കൂടി തങ്ങേണ്ടി വന്നു.ആ ഹർത്താൽ ആണ് ഗോപാൽ സ്വാമി ഹിൽസിലേക്കുള്ള വഴി തുറന്നത്. ഊട്ടി മൈസൂർ റോഡിൽ ബന്ദീപ്പൂർ കഴിഞ്ഞു ഏകദേശം 10 കിലോമീറ്റർ കഴിഞ്ഞാൽ ശ്രീ ഹഗ്ളയിൽ വലിയ കമാനം കാണാം .. ശ്രി ഹിമവദ് ഗോപാൽ സ്വാമി ഹിൽസ് .. ഇടത്തോട്ട് തിരിഞ്ഞു 10 കിലോമീറ് റർ കൂടി പോയാൽ താഴ്വാരത്ത് എത്താം.. ഗുണ്ടൽപേട്ടിലെ ഗ്രാമീണ കൃഷിയിടങ്ങൾ ആണ് റോഡിനു ഇരുവശവും. മഞ്ഞ പട്ടു ചുറ്റിയ സൂര്യകാന്തിപ്പാടങ്ങളാണ് ഇപ്പോൾ കൂടുതലും. കേരളത്തിലേക്ക് ഓണചമയം ഒരുക്കാൻ ചെണ്ടുമല്ലിയും വാടാമല്ലിയും അവിടെ പൂത്തുലഞ്ഞു നിൽപ്പുണ്ട് .  ബന്ദിപ്പൂർ ടൈഗർ റിസർവിൻറെ ഭാഗമായത് കൊണ്ടുതന്നെ കർണ്ണാടകാ ഫോറസ്ററ് ഡിപ്പാർട്ട്മെന്റിന്റെ കീഴിലാണ് ഗോപാൽ സ്വാമി ഹിൽസ്.താഴ്വാരം വരെ മാത്രമേ സ്വന്തം വണ്ടിയിൽ യാത്ര ചെയ്യാൻ കഴിയു. അവിടെ നിന്നും മുകളിലേക്ക് കർണ്ണാടക സ്റ്റേറ്റ് ട്രാൻസ്‌പോർട് ബസ്സ് സർവ്വീസ് നടത്തുന്നുണ്ട്.ഒരാൾ...

*പാഞ്ചാലിമേട് ( ഇടുക്കി ജില്ലയിലെ ഒരു വിനോദസഞ്ചാര കേന്ദ്രമാണ് പാഞ്ചാലിമേട്.) വളരെ നല്ല കാഴ്ച്ചകള്‍ , ആർദ്രമായി മഞ്ഞു പെയ്യുന്ന മേട്. അതങ്ങു കണ്ണെത്ത ദൂരത്തോളം പെയ്തിറങ്ങുകയാണ്. കാഴ്ചകൾ കണ്ടങ്ങനെ നീങ്ങുമ്പോൾ സമയവും ദൂരവും പോയതറിയില്ല. മുകളിലെ മൊട്ടക്കുന്നുവരെയും റോഡ് ഉണ്ട്, ബാക്കി അരക്കിലോമീറ്റർ ഒറ്റയടിപ്പാതയാണ്. ഇവിടെ ഉള്ള രണ്ടു കുന്നുകളിൽ ഒന്ന് ഒരു കുരുശുമലയും മറ്റേതിൽ ശ്രീഭുവനേശ്വരിയുടെ ക്ഷേത്രവും തകർന്ന ശിവലിംഗവും ഉണ്ട്. ദ്വാപരയുഗത്തിൽ പാണ്ഡവർ പാഞ്ചാലിസമേതം വനവാസകാലത്ത് ഇവിടെ എത്തി എന്നാണ് വിശ്വാസം. പഞ്ചാലിമേട് എന്ന സ്ഥലനാമത്തിനും പിന്നിലുംനിറയുന്ന ചരിത്രവും ഇതുതന്നെ. ഇടുക്കി ജില്ലയിൽ കോട്ടയം-കുമുളി റോഡിൽ മുറിഞ്ഞപുഴയിൽ നിന്ന് ഏഴ് കിലോമീറ്റർസഞ്ചരിച്ചാൽ പഞ്ചാലിമേട്ടിൽ എത്താം. വാഹനങ്ങളിലെത്തിയാൽ പാഞ്ചാലിമേടിന്റെ 300 മീറ്റർ വരെ സമീപത്തേക്കും. കോട്ടയം - കുമളി പാതയിലെ മുറിഞ്ഞപുഴയിൽ നിന്നും ഏകദേശം നാലു കിലോമീറ്റർ ദൂരെയായാണ് പാഞ്ചാലിമേട് സ്ഥിതി ചെയ്യുന്നത്. കോട്ടയത്ത് നിന്നും വരുമ്പോൾ, മുണ്ടക്കയം-തെക്കേമല വഴിയും ഇവിടെ എത്തിച്ചേരാം.

കുറെ നാളായി മനസ്സില്‍ കൊണ്ടുനടക്കുന്ന മോഹമായിരുന്നു പൈതല്‍മല. ആ മോഹം സഫലീകരിക്കാനായി. ഒരു ശനിയാഴ്ച ഉച്ചതിരിഞ്ഞ് ഒരുമണിക്കുള്ള തളിപ്പറമ്പ് ബസില്‍ തൃശൂരില്‍നിന്ന് യാത്ര ആരംഭിച്ചു. കൂട്ടിനായി ആരോടും അനുവാദം ചോദിക്കാതെ മഴയും ഒപ്പമെത്തി. കോഴിക്കോടുവരെ മഴയായതിനാല്‍ ഷട്ടറിനുള്ളില്‍ അടച്ചിരുന്നായിരുന്നു യാത്ര. മഴയത്ത് ഓടിയൊളിക്കുന്ന ആളുകളെ മാത്രം കണ്ടുശീലിച്ച എന്റെ കണ്ണുകള്‍ക്ക് പുതിയ ഒരു കാഴ്ചയായി മഴയത്ത് മൈതാനിയില്‍ ഫുട്ബാള്‍ കളിക്കുന്ന കോഴിക്കോട്ടുകാര്‍. പുസ്തകം ബയന്‍ഡ് ചെയ്യാന്‍ ഉപയോഗിച്ചിരുന്ന 'കാലിക്കോ' എന്ന പരുത്തിത്തുണി കോഴിക്കോട്ട് തുറമുഖത്തുനിന്ന് ലോകമെമ്പാടും കയറ്റി അയച്ചിരുന്നു. അങ്ങനെയാകാം കോഴിക്കോടിനെ വിദേശികള്‍ 'കാലിക്കറ്റ്' എന്ന പേരുവിളിച്ചത് എന്നാണ് ചില ചിത്രകാരന്മാരുടെ വിലയിരുത്തല്‍. മഴവെള്ളത്തില്‍ ചവിട്ടിയോടി മണ്ണിലും മറ്റും വീണ് തറയിലെ ഓരോ തുള്ളിയും തട്ടിത്തെറിപ്പിച്ച് ഗോളടിക്കുന്ന കളിക്കാരായിരുന്നു കോഴിക്കോട് നഗരം വിടുന്നതുവരെ. ഒടുവില്‍ 6.30ഓടെ തളിപ്പറമ്പ് ബസിറങ്ങി അവിടെനിന്ന് അടുത്ത ബസില്‍ കറുകച്ചാലില്‍ എത്തി. അ...

ഇടുക്കിയിൽ ഒരു ഓഫ് റോഡ് പോയാലോ...? ഓരോ വളവുകളിലും ഭയം നിറക്കുന്ന നിശബ്ദതയെ താണ്ടി ഒരു യാത്ര ആയാലോ...? മഴനിറഞ്ഞു നിൽക്കുന്ന ഇടുക്കി വനത്തിന്റെ വശ്യത നേരിട്ടറിയാൻ ഒറ്റക്കൊന്നു മല കേറിയാലോ...? ചെറുതോണിയിൽ ചെന്ന് നിന്നപ്പോൾ തണുപ്പിന് മേമ്പൊടിയായി മഴ എത്തി... പാൽക്കുളമേട് എന്ന് ചിത്രങ്ങളിൽ മാത്രം കണ്ടു മനം നിറഞ്ഞ മലമുകളിലേക്ക് മനസും വണ്ടിയും തിരിഞ്ഞു ജാക്കറ്റിന്റെ കട്ടി കാരണം നനഞ്ഞ മഴയൊന്നും എന്നേ തണുപ്പിച്ചില്ല... ആദ്യം കണ്ട കടയിൽ കയറി ഒരു കുപ്പി വെള്ളം വാങ്ങി ഒപ്പം കുറച്ചു സ്നാക്ക്‌സും... മലമുകളിലേക്കുള്ള ഓഫ് റോഡിന്റെ കവാടത്തിൽ എത്തിയപ്പോൾ ഉറപ്പിക്കാൻ ഒരിക്കൽ കൂടി വഴി ചോദിച്ചു... ചോദിച്ച ഉടനെ ചേച്ചി പറഞ്ഞു വഴി ഇത് തന്നെ ഒറ്റക്കാണെങ്കിൽ പോകാതിരിക്കുന്നതായിരിക്കും നല്ലത് ആനകൾ ഇന്നലെ രാത്രി താഴെ വരെ ഇറങ്ങി വന്നിട്ടുണ്ടായിരുന്നു കേറിപ്പോയോ എന്നറിയില്ല അതുകൊണ്ട് മോൻ പോയിട്ട് വേറൊരു ദിവസം വരൂ...  കൂടുതൽ ഊർജം പകർന്നതല്ലാതെ  പണ്ടേ അനുസരണ ശീലം തൊട്ടുതീണ്ടിയിട്ടില്ലാത്ത എന്നെ ആ വാക്കുകൾ ഭയപ്പെടുത്തിയതേയില്ല... വന്നതല്ലേ കുറച്ചു പോയി നോക്കിട്ട് വരാ...

സൗന്ദര്യവും സങ്കടവും ഇഴകിചെര്‍ന്ന ചെറു തുരുത്തിലെ കാണാ കാഴ്ചകളിലേക്ക്..! ഒറ്റ വാക്കില്‍ പറഞ്ഞാല്‍ കണ്ണിനും മനസ്സിനും കുളിരു പകരുന്ന പച്ചപ്പ്‌ നിറഞ്ഞൊരു സുന്ദരഗ്രാമം. തനിഗ്രാമീണതയും, പ്രകൃതിയുടെ വശ്യതയും കൺകുളിർക്കെ കാണണമെന്ന് ആഗ്രഹിക്കുന്നവർക്ക് സ്വർഗമാണ് ഈ ചെറുദ്വീപ്. കൊല്ലം ജില്ലാ ആസ്ഥാനത്ത് നിന്നും ഏകദേശം 15 കിലോമീറ്റര്‍ മാറി കല്ലടയാറിന്റെയും അഷ്ടമുടിക്കായലിന്റെയും ഒത്ത മധ്യത്തില്‍ ഒരായിരം വിസ്മയക്കാഴ്ച്ചകളുമായി ശാന്തസുന്ദരമായ മൺറോതുരുത്ത് നമ്മളെ വരവേല്‍ക്കുകയാണ്. മനസ്സ് നിറയുന്ന ഒരുപിടി കാഴ്ചകള്‍ ഇവിടെ കാണാം. ഈ തുരുത്തുകള്‍ക്കിടയിലൂടെ ജീവ നാഡി പോലെ വളഞ്ഞും പുളഞ്ഞും ഒഴുകിക്കൊണ്ടിര്‍ക്കുന്ന നൂറുകണക്കിന് കൈത്തോടുകള്‍..!! കരയില്‍ നിറയെ ഫലവൃക്ഷങ്ങള്‍.. !! വിവിധ നിറങ്ങളില്‍ വിരിഞ്ഞു നില്‍ക്കുന്ന സസ്യലതാദികള്‍..!! കരിമീനും കൊഞ്ചും ജെല്ലി ഫിഷും നീന്തിത്തുടിക്കുന്ന ഇടത്തോടുകൾ..!! മീൻ കോരിയെടുത്തു വരുന്ന കൊച്ചു വള്ളങ്ങൾ, ഇരപിടിക്കുന്ന നീർകാക്കകൾ, അപൂർവയിനം പക്ഷിക്കൂട്ടങ്ങള്‍..!! തുരുത്തുകള്‍ക്ക് അതിര്‍ത്തിയായി തെങ്ങിൻതോപ്പുകളും പൂക്കള്‍ നിറഞ്ഞ ചെടികളും..!! നീല ന...

ഇടുക്കി ജില്ലയിലെ തൊമ്മൻകുത്തിനടുത്താണ് ഈ മനോഹരമായ വെള്ളച്ചാട്ടം പലർക്കും വഴി തെറ്റാറുള്ളത് കൊണ്ടാണ് ഈ പോസ്റ്റ് ഇടാൻ തീരുമാനിച്ചത് റൂട്ട് - തൊടുപുഴ-കരിമണ്ണൂർ-തൊമ്മൻകുത്തു റൂട്ട് -തൊമ്മൻകുത് വെള്ളച്ചാട്ടം എത്തുന്നതിനു 1km മുൻപ് തൊമ്മൻകുത് പോസ്റ്റ് office ജംഗ്ഷനിൽ നിന്ന് ഇടത്തോട്ട്, 100 മീറ്റർ കഴിയുമ്പോൾ ആദ്യം കാണുന്ന വലത്തോട്ടുള്ള കോൺവെന്റ് റോഡ്, സിസ്റ്റേഴ്സ് കോൺവെന്റ് നു മുൻപിൽ എത്തുമ്പോൾ ഓപ്പോസിറ്റ് വഴിയേ പോവുക ഇവിടത്തെ റോഡ് വളരെ ചെറുതാണ് ഒരു വണ്ടി കഷ്ടിച്ചു പോകാൻ ഉള്ള ഇട മാത്രം, കോൺവെന്റ് നു ഓപ്പോസിറ് ഉള്ള റോഡ് പോകുമ്പോൾ ആദ്യം കാണുന്ന രണ്ടു നില വീട് നോക്കി പോകുക ഇവിടെ ലാൻഡ് മാർക്ക് ആയി ആ വീട് മാത്രമേ ഉള്ളു, കാർ അവിടെ പാർക്ക് ചെയ്യാം ആ വീട്ടിലെ ചേട്ടന്റെ അനുവാദത്തോടെ മാത്രം. ആ വീടിനു മുൻപിൽ നിന്നും നേരെ വഴിയിൽ ഒരു പത്തു സ്റ്റെപ്പ് വെക്കുമ്പോൾ ഇടത് വശത്തു ചെറിയൊരു നടപ്പാത കാണാം ഒരാൾക്കു മാത്രം പോകാവുന്ന രീതിയിൽ പറമ്പിലൂടെ, ആ വഴി ഒരു 100 മീറ്റർ ചെല്ലുമ്പോൾ വലത്തോട്ട് പോവുക പിന്നീട് ചെന്നെത്തുന്നത് ഒരു പാറയിൽ ആണ് അതിനപ്പുറം ആണ് ആനയടിക്കുത്. തൊമ്മൻകുത് വെള്ളച്ചാട...

  കേരളത്തിലെ ഇടുക്കി ജില്ലയിലെ ഒരു ഗ്രാമമാണ് പരുന്തുപാറ. പീരുമേട് താലൂക്കിലുള്ള പ്രകൃതി രമണീയമായ ഈ സ്ഥലം പീരുമേടിനും തേക്കടിക്കും ഇടയിലായി പീരുമേട്ടിൽനിന്നും ഏകദേശം 8 കി.മീ. ദൂരെയാണ് സ്ഥിതി ചെയ്യുന്നത്. പീരുമേടിൽ നിന്ന് 6 കിലോമീറ്ററും, തേക്കടിയിൽ നിന്ന് 25 കിലോമീറ്ററും, ദേശീയപാത 220 ൽ നിന്ന് 3 കിലോമീറ്ററും അകലെയാണ് ഈ സ്ഥലം. വളർന്നു വരുന്ന വിനോദസഞ്ചാര കേന്ദ്രമാണിത്. സ്വസ്ഥമായ അന്തരീക്ഷവും കാടിന്റെ നൈർമല്യവും അടുത്തറിയാൻ ഒരുപാട് സ്വദേശീയ സഞ്ചാരികൾ ഇവിടെ എത്തുന്നു. ഭ്രമരം എന്ന ചലച്ചിത്രത്തിന്റെ ചില പ്രധാന ഭാഗങ്ങൾ പരുന്തുംപാറയിലാണു ചിത്രീകരിച്ചത്.  

  മനം കുളിരുന്ന കാഴ്ച്ചകളുമായി നമ്മെ വരവേൽക്കുന്ന കരുവാരക്കുണ്ട് കേരള കുണ്ട് വെള്ളച്ചാട്ടം. മലമുകളില് നിന്നും പാറകെട്ടുകളിലൂടെ ഒഴുകി താഴെ നൂറു മീറ്റര് താഴേക്ക് ഒരു സ്വിമ്മിംഗ് പൂള് പോലുള്ള ഒരു കുണ്ടിലേക്ക് പതിക്കുന്ന വെള്ളച്ചാട്ടത്തിന്റെ ആ കാഴ്ച്ച ഒന്ന് കാണേണ്ടത് തന്നെയാണ്.. വെള്ളത്തിലേക്ക് ഇറങ്ങാനും കുളിക്കാനും കൂടെ പോയാല് പിന്നെ ഒരു രക്ഷയുമില്ല. മലപ്പുറം ജില്ലയിലെ കരുവ ാരകുണ്ട് നിന്ന് ഏകദേശം 6 കിലോമീടര് അകലെയാണ്. കല്കുണ്ട് എന്ന സ്ഥലത്ത് എത്തുന്നതിനു മുന്നേ. പിന്നെ, അങ്ങോട്ട് പോകുന്ന വഴിയിലെ പ്രകൃതി ഭംഗിയൊക്കെ ആസ്വദിച്ചു മെല്ലെ മെല്ലെ പോകണം വെള്ളച്ചാട്ടത്തിന്റെ 2 കി.മി. അകലെ വരെ ബസ് സര്വീസ് ഉണ്ട്. കാറുകളും അത് വരെയേ പോകൂ.. പിന്നീടങ്ങോട്ട് 2 കിലോമീറ്ററോളം നടത്തം തന്നെ ശരണം. അല്ലെങ്കില് ഒരു പാട് ജീപ്പുകള് ലഭ്യമാണ് (അല്ലെങ്കില് നല്ല ഗ്രൗണ്ട് ക്ലിയറന്സ് ഉള്ള വണ്ടികള് വേണം.). ഒറ്റയ്ക്ക് പോകേണ്ടവര്ക്ക് 300 രൂപ കൊടുത്തു ഒറ്റക്ക് ജീപ്പില് പോകാം. അതല്ല, കൂടുതല് പേരുണ്ടെങ്കില് പോക്കറ്റില് നിന്നെടുക്കേണ്ട ഷെയര് കുറയും. സമയം ഒരു പ്രശ്നമല്ല എന്നിവര്ക്കും ഗ്രൂപ്പായി പോകുന...

  ഇടുക്കി തടാകം സന്ദര്‍ശിക്കുന്ന പലരും അറിയാതെ പോകുന്ന ഒന്നാണ് വൈശാലി ഗുഹ.ഇടുക്കി ഡാമിനോട് ചേര്‍ന്ന് സ്ഥിതി ചെയ്യുന്ന ഇത് വളരെ മനോഹരമായ ഒരനുഭവമാണ് സഞ്ചാരികള്‍ക്ക് നല്‍കുന്നത്. 1988 ല്‍ പുറത്തിറങ്ങിയ വൈശാലി സിനിമയുടെ ഭാഗങ്ങള്‍ ഇവിടെ ചിത്രീകരിച്ചതിനാല്‍ ഇവിടം പിന്നീട് ആ പേരില്‍ അറിയപ്പെടുകയായിരുന്നു.വാവല ുകളുടെ വന്‍കൂട്ടങ്ങള്‍ വിശ്രമിക്കുന്ന കാഴ്ച ഇവിടുത്തെ പ്രത്യേകതയാണ്.അല്‍പം സാഗസികത ആവശ ്യമെങ്കിലും ഇവിടെ നിന്നുള്ള ഇടുക്കി ഡാമിന്‍റെ കാഴ്ച്ച അതിമനോഹരമാണ് ഭരതന്‍ സംവിധാനം ചെയ്ത വൈശാലിയിലെ ഗാനരംഗത്തില്‍ പശ്ചാത്തലമായി വന്നത് ഇടുക്കിയിലെ അറിയപ്പെടാത്ത ഒരിടമാണ്. പക്ഷേ, ഇന്ന് ആ ഗുഹ അറിയപ്പെടുന്നത് വൈശാലി ഗുഹ എന്നാണ്. ഇടമലയാര്‍ ജലവൈദ്യുത പദ്ധതിയുടെ ഭാഗമായി അണക്കെട്ട് നിര്‍മിക്കുന്നതിന് വേണ്ടി പദ്ധതി പ്രദേശത്തേക്ക് എത്തിച്ചേരുന്നതിനായി തുരന്ന് നിര്‍മിച്ചതാണ് ഗുഹ. 1970കളിലാണ് നിര്‍മാണം തുടങ്ങിയത്. 550 മീറ്റര്‍ നീളമുള്ള ഈ തുരങ്കത്തിലാണ് ഡാം നിര്‍മാണവുമായി ബന്ധപ്പെട്ടിരുന്ന തൊഴിലാളികളും അവരെ ലക്ഷ്യമാക്കി തുടങ്ങിയ കച്ചവടസ്ഥാപനങ്ങളും ഉണ്ടായിരുന്നത്. അക്കാലങ്ങളില്‍ ഒരു ചെറ...

സോഷ്യല്‍ മീഡിയകളിലെ യാത്ര ഗ്രൂപ്പുകളില്‍ അടുത്തിടെ ഏറ്റവും തരംഗം ഉണ്ടാക്കിയ സ്ഥലമാണ് ഇല്ലിക്കല്‍ കല്ല്. നിരവധി സഞ്ചാ‌രികളാണ് ഇല്ലിക്കല്‍ കല്ലിലേക്ക് ഇതിനോടകം സന്ദര്‍ശി‌ച്ചത്. കോട്ടയം ജില്ലയിലാണ് ഇല്ലിക്കല്‍ കല്ല് സ്ഥിതി ചെയ്യുന്നത് കോട്ടയം ജില്ലയിലെ ഏറ്റവും ഉയര്‍ന്ന കൊടുമുടിയാണ് ഇല്ലിക്കല്‍ കല്ല്. മീനച്ചിലാറിന്‍റെ തുടക്കസ്ഥാനമാണ് ഈ കൊടുമുടി. ഈരാറ്റുപേട്ടയ്ക്കടുത്ത് മൂന്നിലവ്, തലനാട് പഞ്ചായത്തുകള്‍ക്ക് അതിര്‍ വരമ്പ് നിശ്ചയിക്കുന്നത് ഈ മലനിരകളാണ്. സമുദ്രനിരപ്പില്‍ നിന്ന് ഏതാണ്ട് 3500 അടി ഉയരമുള്ള ഇല്ലിക്കല്‍ കല്ല് മൂന്നു പാറക്കൂട്ടങ്ങള്‍ ചേര്‍ന്നാണുണ്ടായിരിക്കുന്ന ത്. ഇതിലെ ഏറ്റവും ഉയരം കൂടിയ പാറ കൂടക്കല്ല് എന്നും തൊട്ടടുത്ത് സര്‍പ്പാകൃതിയില്‍ കാണപ്പെടുന്ന പാറ കൂനന്‍ കല്ലെന്നും അറിയപ്പെടുന്നു. ഇല്ലിക്കൽ കല്ലിനെ വിശേഷിപ്പിക്കാനാണെങ്കിൽ താഴ്‌വരയിൽ മേഘപ്പാളികൾ ഒളിച്ചു കളിച്ച് ഒഴുകിനടക്കുന്നത് നോക്കിയിരിക്കുന്ന ഒരു കല്ല്... വിനോദസഞ്ചാരികളുടെ പ്രിയ കേന്ദ്രം തണുപ്പും കോടയും നിറഞ്ഞു തല ഉയർത്തി നില്ക്കുന്ന ഇല്ലിക്കൽ കല്ല് സഞ്ചാരികളെ കാത്തിരിക്കുന്നു. മൂന്നിലവ് തലന...