വർക്കല... ലോകത്തിലെ ഏറ്റവും മനോഹരമായ ക്ലിഫ് ബീച്ചുകളിലൊന്ന്

-

ഭൂമിയിലെ ഏറ്റവും മനോഹരമായ പത്ത് കടല്‍ത്തീരങ്ങളിലൊന്നായി ഡിസ്‌ക്കവറി ചാനല്‍ വര്‍ക്കലയെ തിരഞ്ഞെടുത്തതില്‍ ഒട്ടും അത്ഭുതം തോന്നിയില്ല പാപനാശം ബീച്ച് നേരിൽ കണ്ടപ്പോൾ.
ലോക സഞ്ചാരികൾക്ക് മുന്നിൽ ഗോവക്കും പോണ്ടിച്ചേരിക്കുമുള്ള കേരളത്തിന്റെ മറുപടിയാണ് വർക്കല ക്ലിഫ് ബീച്ച്..കടല്‍ത്തീരത്തെ റിസോര്‍ട്ടുകളാണ് വര്‍ക്കലയെ കേരളത്തിലെ ഹണിമൂണ്‍ പറുദീസയാക്കുന്നത്. വിദേശ രാജ്യങ്ങളിലെ ചില ബീച്ചുകളെപ്പോലെ തോന്നി‌പ്പിക്കുന്നതാണ് വര്‍‌ക്കലയിലെ ക്ലിഫ് ബീച്ച്..
കേരളത്തിലിന്ന് നിലവിലുള്ളതിൽ ഏറ്റവും മനോഹരവും സമാധാനപരവും സുന്ദരവുമായ സായാഹ്ന ഭക്ഷണ ആസ്വാദനം ലളിതമായ സംഗീതത്തിന്റെ അകമ്പടിയോടെ ഇവിടെ സാധ്യമാണ് ..

ഇസ്റയേൽ മുതൽ നോർത്ത് അമേരിക്ക വരെ നീളുന്ന രാജ്യങ്ങളിലെ ഫുഡ് മെനു മുതൽ കേരളത്തിന്റെ തനത് രുചികളും ഏറ്റവും മിതമായ വിലയിൽ ലഭ്യമാക്കുന്ന സ്കൈ ലോഞ്ച് പോലുള്ള റെസ്റ്റോറന്റുകളിൽ ഓഫ് സീസണായിട്ടും നിരവധി വിദേശികളുടെ സാന്നിധ്യം കാണാം
ലോക സഞ്ചാരികള്‍ യാത്ര ചെയ്യാന്‍ ഇഷ്ടപ്പെടുന്ന സ്ഥലങ്ങളില്‍ ഒന്നാണ് വർക്കല ക്ലിഫ് ബീച്ച് . വിദേശികളില്‍ പലരു മ‌‌ധുവിധു ആഘോഷിക്കാന്‍ തെരഞ്ഞെടുക്കുന്ന സ്ഥലങ്ങളില്‍ ഒന്ന്... മാസങ്ങളായി ഇവിടെ ഹോം സ്റ്റേകളിൽ തങ്ങുന്ന ചില വിദേശ കപ്പിൾസ് ഇവിടെയുണ്ട്
കോവളം ബീച്ച് വെറുപ്പിക്കുന്ന രീതിയിൽ ഏറെ വാണിജ്യവല്‍ക്കരിക്കപ്പെട്ടപ്പോള്‍ കടല്‍തീരത്തിന്റെ ഭംഗിയും തണുപ്പും ശാന്തതയും സൗന്ദര്യവും ആസ്വദിക്കാന്‍ സഞ്ചാരികള്‍ അഭയം പ്രാപിക്കുന്നത് വര്‍ക്കലയിലാണ്. ആ സൗന്ദര്യം എന്നും വാണിജ്യവൽക്കരിക്കപ്പെടാതെ നിലനിൽക്കപെടണം ഇവിടുത്തെ സൂര്യോദയ അസ്തമനം പോലെ.

Comments

Post a Comment

Popular posts from this blog

ചരിത്രം ഉറങ്ങുന്ന ആയിരനാഴി കോവിലകം.

-
Image
മലപ്പുറം ജില്ലയിലെ മങ്കടയിൽ നിന്ന് ഏതാനും കിലോമീറ്ററുകൾ മാറി(മങ്കട-മഞ്ചേരി റോഡ്) 'ആയിരനാഴിപടി'യിലാണ് ചരിത്രം ഉ റങ്ങുന്ന ആയിരനാഴി കോവിലകം സ്ഥിതി ചെയ്യുന്നത്. നൂറിലേറെ വർഷത്തെ ചരിത്രം പറയാനുണ്ട് ഈ എട്ടുകെട്ടിന്. വള്ളുവനാടിന്റെ ചരിത്രത്തിൽ വലിയൊരു പങ്ക് ആയിരനാഴി കോവിലകത്തിനുണ്ട്. പല്ലവരാജവംശത്തിന്റെ മുൻ തലമുറക്കാരാണ് വള്ളുവനാട് സ്ഥാപിച്ചത്. അവരുടെ പിൻതലമുറക്കാരുടെയാണ് ഈ എട്ടുകെട്ട്. ആയിര നാഴി കോവിലകം എന്ന പേരു ലഭിക്കാൻ കാരണം പണ്ട് കോവിലകത്ത് സാധുക്കൾക്കായി അന്നധാനം നടത്തിയിരുന്നു. ആയിരം നാഴി അരിയാണ് ഇതിന് ഉപയോഗിച്ചിരുന്നത്. മാത്രവുമല്ല കോവിലകത്തിന്റെ പരദേവതയായ തിരുമാന്ധാംകുന്ന് ഭഗവതിയുടെ പിറന്നാളിന് ആയിരം നാഴി അരിയുടെ പ്രസാദം ഊട്ടും ഉണ്ടായിരുന്നതുകൊണ്ട് ഈ കോവിലകം ആയിരനാഴി കോവിലകം എന്നറിയപ്പെട്ടു. മൂന്ന് നിലയിലുള്ള ഈ എട്ടുകെട്ടിൽ ഇരുപതിൽ കൂടുതൽ മുറികളും സമചതുരാകൃതിയിലുള്ള ഒരു നടുമുറ്റവും, ദീർഘചതുരാകൃതിയിലുള്ള മറ്റൊരു നടുമുറ്റവുമാണുള്ളത്. ഈ എട്ടുകെട്ടിന്റെ വാസ്തു ശാസ്ത്രം കൊച്ചുണ്ണി തമ്പുരാന്റെതാണ്. പൂമുഖത്തെ ചിത്രപ്പണികളും, തൂണുകളും,നടുമുറ്റത്തിന് ചുറ്റുംകൈ...
Read more

വൈശാലി ഗുഹ

-
Image
  ഇടുക്കി തടാകം സന്ദര്‍ശിക്കുന്ന പലരും അറിയാതെ പോകുന്ന ഒന്നാണ് വൈശാലി ഗുഹ.ഇടുക്കി ഡാമിനോട് ചേര്‍ന്ന് സ്ഥിതി ചെയ്യുന്ന ഇത് വളരെ മനോഹരമായ ഒരനുഭവമാണ് സഞ്ചാരികള്‍ക്ക് നല്‍കുന്നത്. 1988 ല്‍ പുറത്തിറങ്ങിയ വൈശാലി സിനിമയുടെ ഭാഗങ്ങള്‍ ഇവിടെ ചിത്രീകരിച്ചതിനാല്‍ ഇവിടം പിന്നീട് ആ പേരില്‍ അറിയപ്പെടുകയായിരുന്നു.വാവല ുകളുടെ വന്‍കൂട്ടങ്ങള്‍ വിശ്രമിക്കുന്ന കാഴ്ച ഇവിടുത്തെ പ്രത്യേകതയാണ്.അല്‍പം സാഗസികത ആവശ ്യമെങ്കിലും ഇവിടെ നിന്നുള്ള ഇടുക്കി ഡാമിന്‍റെ കാഴ്ച്ച അതിമനോഹരമാണ് ഭരതന്‍ സംവിധാനം ചെയ്ത വൈശാലിയിലെ ഗാനരംഗത്തില്‍ പശ്ചാത്തലമായി വന്നത് ഇടുക്കിയിലെ അറിയപ്പെടാത്ത ഒരിടമാണ്. പക്ഷേ, ഇന്ന് ആ ഗുഹ അറിയപ്പെടുന്നത് വൈശാലി ഗുഹ എന്നാണ്. ഇടമലയാര്‍ ജലവൈദ്യുത പദ്ധതിയുടെ ഭാഗമായി അണക്കെട്ട് നിര്‍മിക്കുന്നതിന് വേണ്ടി പദ്ധതി പ്രദേശത്തേക്ക് എത്തിച്ചേരുന്നതിനായി തുരന്ന് നിര്‍മിച്ചതാണ് ഗുഹ. 1970കളിലാണ് നിര്‍മാണം തുടങ്ങിയത്. 550 മീറ്റര്‍ നീളമുള്ള ഈ തുരങ്കത്തിലാണ് ഡാം നിര്‍മാണവുമായി ബന്ധപ്പെട്ടിരുന്ന തൊഴിലാളികളും അവരെ ലക്ഷ്യമാക്കി തുടങ്ങിയ കച്ചവടസ്ഥാപനങ്ങളും ഉണ്ടായിരുന്നത്. അക്കാലങ്ങളില്‍ ഒരു ചെറ...
Read more

ഉറുമ്പിക്കരയിലേക്ക് ഒറ്റയ്ക്കൊരു ബൈക്ക് യാത്ര

-
Image
ഗ്രൂപ്പിൽ നിന്നും ആണ് ഇങ്ങനെ ഒരു സ്ഥലത്തെ കുറിച്ച് ആദ്യമായി കേൾക്കുന്നത്.. പെട്ടെന്നൊരു ആവേശത്തി ന്റെ പുറത്ത് ഉച്ചയ്ക്ക് 12.30 ആയപ്പോ ഊണ് കഴിച്ചിട്ട് വീട്ടിൽ നിന്ന് ഇറങ്ങി.. ഗൂഗിൾ മാപ്പിൽ റൂട്ട് നോക്കി സ്‌ക്രീൻ ഷോട്ട് എടുത്തു വെച്ചു, ഇനി റേഞ്ച് ഇല്ലേലും വഴി തെറ്റരുതല്ലോ, നേരെ മുണ്ടക്കയം .. അവിടുന്ന് കുറ്റിക്കൽ വെമ്പളി വഴി ഉറുമ്പിക്കരയിലേക്ക്. സമയം 2 മണി ആകുന്നതെ ഉള്ളു, നല്ല വെയിലും ഉണ്ട്. വന്ന സമയം ശരിയായില്ല എന്നൊരു തോന്നൽ, ഇത്തിരി ചാറ്റൽ മഴ ഒക്കെ ഉണ്ടായിരുന്നെങ്കിൽ അടിപൊളി ആയേനെ.. വഴിയിൽ കണ്ട ഒരു പെട്ടിക്കെടേന്നു ഒരു സോഡാ നാരങ്ങാ വെള്ളവും കുടിച്ചു പതുക്കെ മല കയറാൻ ആരംഭിച്ചു.. വല്യ റബ്ബർ എസ്റ്റേറ്റ്നു നടുവിലൂടെ വളഞ്ഞു പുളഞ്ഞുള്ള കയറ്റം, ആദ്യമൊക്കെ കുറച്ചു ടാറിങ് ഒള്ള റോഡ് ആരുന്നു.. പിന്നെ മണ്ണിട്ട വഴിയായി.. പിന്നെ പേരിനു മാത്രം വഴി.. ബുള്ളറ്റ് ഒരു മടിയും കൂടാതെ കുതിച്ചു.. കുറച്ചു ദൂരം ചെന്നപ്പോൾ ഒരു പഴയ വീട് കണ്ടു, മുറ്റത്ത് ഉപേക്ഷിച്ച നിലയിൽ ഒരു പഴയ കാർ ഉം.. അവിടെ വണ്ടി നിർത്തി കുറച്ചു നേരം റസ്റ്റ് എടുത്തു.. നല്ല കാറ്റ്.. നല്ല സുഖം.. അവിടുന്നും മുന്നോട്ടു പോയി.. ചെറി...
Read more